اكبر مؤسسة للطناش العالمى, سجل اسمك لو عايز

بسم الله الرحمن الرحيم


السلام عليكم ورحمه الله وبركاته


احسن حاجه تعملها فى حياتك انك تعيشها وانت مطنش كل حاجه بتحصلك وتضايقك.
وعلى راى الفيلسوف الشهير اللى مش فاكره اسمه ( طنش تعش ) حاول تطنش هيفيدك ويريح اعصابك.


ولكى تستطيع ان تكون مطنش يجب ان تتبع هذه الخطوات..



1. تسبيل العينين مصحوبه بنظره بلهاء
2. فتح الفم 15 سم على الاقل
3. ابتسامه بلهاء
4. دلدله الكتفين مع بهدله فى المظهر
5. علامات التخلف العقلى


وبذلك ستنضم لمنظمه (طناشكو العالميه) كما انك ستكون من مؤسسى اكبر مؤسسه (للطناش العالمى ) وسيقام مهرجان (الطناش للجميع) والذى سيضم نخبه من كبار المطنشين....

وكلما اصبحت مطنش اكتر كلما شعرت براحه من الاستفزازات التى تنزل عليك مصحوبه بحرق الاعصاب..


ومن امثله ذلك.. لما تصحى من نومك ممكن تكون اختك او اخوك او والدتك متعصبين من حاجه فبمجرد انهم يشوفوا وشك ينزل عليك وابل من الشتايم وانت مش عارف ايه السبب اصلا.....كل اللى عليك انك تطنش.

مثال تانى... تسمع فى نشره الاخبار عن مقتل 60 مواطن فى تصادم قطر او مقتل 100 واصابه 50 فى صراع بين دولتين فتشعر بحزن شديد.... لكن كل اللى عليك عمله انك تطنش.

اما الطريف فى الموضوع لما تروح تعرف نتيجه الامتحان فتلاقيك شايل مواد كتير ظلم رغم انك واثق من حلك وده ممكن يكون بسبب ان الدكتور وهو بيصحح ورقتك دق جرس الباب ولاقاها حماته الملاك المصون فوق راسه فيقول ان الورقه دى وشها وحش عليه ويسقطك .... كل برده اللى عليك انك تطنش



وفى النهايه هتلاقى راسك بقت فى حجم الكره الارضيه مع زياده مستمره فى الحجم وذلك لان ..

( العقل السليم فى حجم الراس الكبير )

كنت هطنش عشان مقولش منقول