يوميات مينا ومريم البنت الهاى كلاس قوووووووووى

نتابع حلوه اوى الحلقه دى
بس الاحلى التشويق اللى فى الحلقه ومعرفت ايه اللى هيحصل بعد كده
تسلمى وتقبلى مرورى

الحلقه الحاديه عشر



مريم وهي نازله جري ورا مينا عشان تخليه يعقد معاهم الاسبوع فلاقته حاطط الشنطه بتاعته جانبه وبيتصل بالتليفون
يا تري بيتصل بمين


مينا : الو
جارته : الووووووووووو مين معايا في التليفون بس ازاي دخلت جوه هههههههههههههه

مينا : مش وقت استظرافك ياختي دلوقتي
جارته : ايه يا واد الخفه دي مين معايا
مينا : انا مينا اللي اتهبب وساكن في الشقه اللي قدامك
جارته : اه مينا موني موني ازيك يا واد يا مووني عامل ايه انت فين ياض وازاي اخبارك

مينا : انا في شرم الشيخ
جارته : مش كنت تقولي يا واد كنا رحنا سوا
مينا : تيجي فين يا وليه دا انتي لو شوفتي النسوان اللي هنا تنتحري

جارته :جاتك ايه يا موني عسل بس عسل اسود تلاقيك معاك الجثه اللي كلمتك قبل كده هي لسه عايشه يا واد هي مش ماتت في التليفون
مينا : عيطوا عليكوا بدري يا شيخه بتفولي في وش البت دانتي خارجه من الترب بكفاله يا وليه روحي موتي (مريم سمعت الكلام دا وشها مريم من الفرحه)

جارته : انا يا موني انا يا واد لو عايزه اكون زي جوليا روبرت هكون
مينا : جوليو ابو ربع جنيه انتي بتكلي الحاجات دي يا وليه
جارته : جاتك ايه يا موني يخربيت عقلك سكر سكر انت بتتصل ليه بقي

مينا : بقلك انا نسيت المفتاح تحت الدواسه اللي قدام الشقه خديه خلي معاكي لحد مرجع انا راجع النهارده
جارته : ماشي يا حبيب قلبي ترجع بالسلامه مستنياك
مينا : مستنيه مين يا وليه انتي تخلي معاكي المفتاح بس
جارته : ماشي يا موني ترجع بالسلامه خلي بالك من نفسك
مينا بيحط السماعه وبيلف لاقه نور في وشه(اللى هى مريم طبعا)

مريم : انتا مسافر خلاص
مينا : اصل اعد لمين انا جاي عشانك وانتي زعلتي ومشيتي
مريم : مانتا السبب سرحان في واحده وانا معاك
مينا : خلاص يا سيتي انا اسف
مريم : وانا اسفه ماتسفرش خلاص
مينا : خلاص مش مسافر عشان خاطرك انتي
مريم : مرسي يا مينا بجد انت طيب اوي
مينا : انتي اطيب والله

مريم : طيب بقي اطلع حط الشنط وتعالي نتمشي
مينا : بس انا جعان اوي
مريم : خلاص طلع الشنط وتعالي نفطر
مينا : اوك

مينا وهو طالع يودي الشنط ووقبل مايوصل لباب الاوضه خبط يا تري في مين

















?????????????????????????????? ?????? ???????

الحلقة الثانية عشر

( مينا ساب مريم واقفه في الريسبشن وطلع يحط الشنط ووهو بيقفل الباب خبط )

مينا : مين اللي بيخبط
الطارق : انا
مينا : ايوه مين يا عني انت مش بشر كائن يعني ليك اسم
الطارق : ايه الظرف دا ايوه يا عم انا كائن يعيش ويتعايش وليا اسم انا محمود ( محمود دا صاحب مينا شافه في المطعم وطلع وراه الاوده عشان يسلم عليه)
مينا : ( فتح الباب لاقا محمود صحبه خاده بالحضن وسلامات وبوس )
محمود : ازيك يا مون يخربيت عقلك انت ايه يا واد اللي جابك هنا وجاي مع مين
مينا : اهه تغير شويه بدل ما نروح البلد جيت هنا مع اصحابي
محمود : طيب ياباشا اسيبك انا برحتك عشان تشوف اصحابك والبنت اللي مستناياك تحت
مينا : ماشي يا مان انت شوفتني معاها
محمود : اه يا معلم شوفتك في المطعم تحت بس تعرف زوقك حلو يا مان عرفت تنقي يا معلم
مينا : انقي ايه يا معلم دي صاحبتي اصلي معرفش حد في الرحله غيرها
محمود : طيب يا مان اسيبك بقي ولو عوزت اي حاجه انا في الخدمه
مينا : ماشي يا مان والف شكر

( مينا ساب محمود ونزل يفطر بقي اخيرا هيفطر مع مريم )
مينا : اخيرا يا مريم هنفطر
مريم : اخيرا انا ميته من الجوع
مينا : لو سمحت الفطار بتاعنا
الجرسون : حاضر يا فندم
مينا : بس بسرعه عشان ميتين من الجوع
مريم : اه بسرعه خالص عشان ممكن ناكل في بعض دلوقتي
مينا : بسرعه يا عم احسن تيجي تاكل فيا
جرسون : حاضر يا فندم

( الجرسون جاب الاكل وكلو الحمدو لله ومريم خدت مينا وتمشوا علي البحر )
مريم : انت هتعمل النهارده ايه يا مينا
مينا : مش عارف والله يا مريم انا عندي فكره احنا نتمشي شويه بعدين انا هطلع انام عشان تعبان من السفر
مريم : عندك حق والله اوك وبليل ننزل نخرج ونشوف البلد
مينا : اوك يا مريم
مريم : البحر هنا حلو اوي بكره اكيد ننزله سوا
مينا : باذن الله
مريم : يلا نرجع بقي
مينا : يلا

( مينا ومريم طلعوا اودهم وهنعرف عملوا ايه باليل باليل النهارده )


انا مش حااطه تااانى غير لما الاقى ردود

تحفففففففففففففففففففففففففففففففففه

الحلقات جامدة موت يا ذبدة

تسلمى حبيبتى

وكل شوية بتزيد الاثارة

وانا لازم اعرف اى اخرة مينا دا

كملى حبيبتىمستنيين باقية الحلقات

هههههههههههههههههههههههههههه
مريم بتعرف تعوم كويس
لكن مينا شكلة اخرة
بيعوم فى ترعة بلدهم
حلوة اوى الحلقة تسلمى يا ذبدة
ويلا كملى انا متابعة معاكى

ههههههههههههههههه بجد يا ذبده انا والله من الصبح قريت بدايه القصه
لقيت نفسي لوحدي بكمل معاها لحد الحلقه 11 وكملت دلوقتي مع الحلقه دي
بجد حاجه تحفه ضحكت ضحكت
احلي حاجه طريقته في الكلام دي خلتني امووت من الضحك
ياريت بقي متتاخريش في الحلقه الجايه

حلوة اوى يا زبدة

كملى يا حبيبتى

القصة تحفة

الحلقه الخامسه عشر


( احنا سيبنا مريم بتغرق والحلقه خلصت مش مشكله نكمل )

مريم: مينااااااااااااااااااااااا الحقني يا مينا الحقني بغرق
مينا: (مينا فاكر مريم بتردله المقلب اللي عمله فيها ومينا منفضلها
مينا : بطلي شغل عيال يا مريم انا فاهم الحركات دي ومينا اعد يضحك ( بارد اوي مينا ده هو مش بارد هو عامل نفسه ناصح )


مريم : الحقوني الحقوني بغرق
( مريم بتغرق بجد وعماله يا عيني تطلع وتنزل وتشرب في ميه واتخنقت )
مينا : مريمممممممممممممممممممممممممممم


( مينا عام باقصي سرعه ومريم اغمى عليها ومينا زعلان اوي راح شيلها وطالع بيها علي الشط )


مينا : مريم مريم اوعي تسبيني ( ومينا بيخبط علي صدرها عشان الميه تطلع مافيش فايده )
مينا : مينا جاب الاسعاف وراح بيها علي المستشفي

( الاسعاف جه خد مريم علي المستشفي وهناك عمله الازم طلعوا الميه ورجعولها التنفس وبقت تمام بس لازم تدنها يومين كده
مينا يا عيني في المستشفي بهدوم البحر ودموعه في عينه وبيدعي لمريم )


مينا : دكتور خير
دكتور : خير يا ابني اتطمن الحمد لله هي بخير
مينا : الف شكر يا دكتور الف شكر ممكن ادخولها
دكتور : ممكن

( مينا والدموع تتلالا في عينه داخل علي مريم وبكل رومانسيه )

مينا : حمدالله علي السلامه يا مريم وبيديها ورده
مريم: مرسي يا مينا
مينا : انتي بعد الشر لو كان جرالك حاجه انا كنت هرمي نفسي في البحر
مريم : متقولش كده انتا برده اللي انقذت حياتي
مينا : انتي اللي ردتيلي حياتي والله يا مريم بعد ما تطمني الدكتور


مريم : مرسي يا مينا
مينا : شدي حيلك بقي كده وقوميلنا بسلامه كده
مريم : ان شاء الله مينا روح انت استريح انت شكلك تعبان
مينا : اسيبك وامشي مش هقدر وبعدين انا زي الفل اهه


( صحاب مريم عرفه اللي حصل جم بسرعه يطمنوا عليها )


ريم ح تظهر هنا تاااانى لفتره كبيره لاخر الحلقات

ريم : مرمر حبيبتي الف سلامه انا مش صدقت والله اول ما قالولي انتي كويسه
مريم : انا الحمد لله كويسه
ريم : الحمد لله
ريم : انا متشكره جدا يا مينا عشان انقذت صحبتي
مينا : علي ايه يا ريم ماهي صاحبتنا كلنا بردك
ريم : عنددك حق يا مينا مرسي اوي

( مريم اعدت يومين في المستشفي وبعدين طلعت كان فاضل يوم واحد بس ويرجعوا )

( مينا وريم وصلوا مريم للاوده بتاعتها ونامت وتاني يوم الصبح )

مينا : حمدالله علي السلامه يا مريم
مريم : الله يسلمك يا مينا والله انا مش عارفه ارد جميلك ده ازاي
مينا : جميل ايه بس هو في بينا جمايل بس علي فكره يا مريم لو كان حصلك بعد الشر اي حاجه انا مش كنت هسامح نفسي خالص
مريم : متقولش كده يا مينا انت بردك الي انقذت حياتي

( في منظر رومانسي تحت السماء صافيه والبحر الازرق والموسيقي في الفندق شغاله )

مينا : بس يا مريم تعرفي وانتي نايمه بتكوني جميله اوي
مريم (وشها احمر وضرب الوان ومش عارفه تقول ايه ) : مرسي يا مينا انت الاجمل ولله
مينا قرب من مريم وبص في عنيها


وهنعرف قالوا ايه لبعض الحلقه الجايه

حلوة اوى يا ذبدة
سلم ايدك حبيبتى
يلا كملى بسرعة

الحلقه السادسه عشر


" مينا قرب من مريم وبص في عنيها "


" دا كان اخر الحلقه اللي فاتت النهارده بقى حلقه رومانسيه طحن "


" بردو في نفس المنظر الرومانسي البحر والاغاني الرومانسيه والطبيعه الساحره "

" مينا بيبص لمريم في عنيها وقرب منها اوى "

" ايه دا دا قرب يالهوي دا قرب خالص ياااااااااااااااااااااالهوي مينا مسك ايد مريم "

يابختووووووووووووووووو


مينا : يا مريم انا مش عارف لو كان جرالك حاجه انا كان ممكن يحصلي ايه

مريم : ليه يا مينا بعد الشر عليك متقولش كده

مينا : بجد والله اصلك يا مريم بقيتي كل حاجه في حياتي ومن غيرك مش كنت عارف هعمل ايه في حياتي غيرتي كل حاجه في حياتي

مريم : عشان انت طيب والله بجد يا موني وبتحب بسرعه

مينا : موني تصدقي احلي كلمه موني سمعتها في حياتي

مريم : خلاص يا سيدي ليك عليا مش اقولك غير يا موني

مينا : مرسي يا مريم بس تصدقي يا مريم بجد انا حلمت بيكي امبارح

مريم : بجد يا مينا احكي بسرعه حلمت بايه

مينا : خير الله ما اجعله خير اننا ركبين طياره ومسافرين بيها مش عارف مسافرين فين المهم الطياره كانت بتقع

مريم : يا لهوي هتموتني في الحلم يا مينا

مينا : بعد الشر عليكي

مينا : المهم اتخضيت عليكي رحت واخدك مبين ايديا ورحت بيكي كبينه الطياره انا اللي سوقتها ووصلنا الحمد لله

مريم : طيب الحمد لله مش جرالنا حاجه

مينا : بس ايه كنتي لبسه حته فستان ابيض جميل

" مريم وشها مريم من الفرحه و فرحت اوى اوى "

مريم : بجد يا مينا

" مينا شاف ريم صاحبه مريم جايه من بعيد زعل اوي "

ريم : اذيكوا يا حلوين عامله ايه يا مريم دلوقتي

مريم : الحمد لله كويسه موني خرجني من الاوده وبنتمشي شويه

ريم : مين موني ده

مينا : انا يا ريم موني اصلي غيرت اسمي

ريم : هههههههههه بجد الف مبروك عقبالي لما اغيره انا كمان

مينا : ههههههههه تغيريه هيبقى ايه موني بردو

مريم : هههههههههههه تحفه يا موني صحيح يا ريم هتغيريه ليه

مينا : دا حتي الاسم دا وحش اوى قصدى حلو اوى اوى

ريم : انا اسمى وحش بردو يا مينا ماشي انا ماشيه وسيباكوا لوحديكو

مريم : ياريم بنهظر معاكي والله خلاص مش تزعلي

مينا : بنهظر والله يا ريم خلاص اؤمري اي طلب واحنا ننفذه عشان نصلحك بيه

" ريم طلبت منهم طلب "

ودى حلقه كمان عشان اخواتى الحلوين الموجودين هنا


الحلقه السابعه عشر


" مينا ومريم بيهزروا مع ريم بس ريم زعلت و مينا و مريم حبو يصلحوها فريم طلبت طلب ؟ "


مينا : اؤمري يا ست ريم طلباتك اوامر بس مش تزعلى

ريم : مرسي يا مينا انا هطلب منكوا طلب بصفتي جعانه دلوقتي عايزه اتغدي

مينا : بس كده يالهوي انا قولت هتقولي حاجه جامده خدي يا سيتي 5 جنيه اهه جديده واتغدي برحتك من اي واحد بتاع فول وطعميه جبيلك 16 سندوتش و كلى لحد ما تشبعى

مريم : هههههههههههههههه اه صح روحى كلى فول و طعميه

ريم : بتضحكي عليا يا مريم ماشي ماكنش العشم

مريم : الحق يا مينا دي زعلت والله يا ريم بنهزر معاكي

ايه ده كل شويه نزعل ليه دى دى غلسه قووووووووى


مينا : بجد بهزر معاكي يا ريم انت بتزعلي بسرعه كده ليه خلاص يا ستي اختاري اي مكان نتغدي في وعلي حسابي كمان

ريم : مرسي يا مينا انا نفسي في سمك اوي

مينا : بس كده يا سلام تؤمري يلا بينا هغديكوا غدوه تحلفوا بيها استنوني هنا ثواني

ريم : انت رايح فين يا مينا

مينا : ثواني اجيب حاجه واجي ثواني بصوا شايفين الصخره اللي هناك دي روحوا اعدوا عليها وانا جايلكوا حالا

" مينا ساب مريم وريم علي صخره علي البحر وطلع الاوده بتاعته جاب سناره صيد كان جايبها معاه "


" كان بيصطاد بيها من الترعه اللي كانت عندهم فى البلد "


" مش مشكله مينا نزل بالسناره وسله صغيره كده عشان يحط فيها السمك "

" مريم وريم شافوا مينا جاي من بعيد "

مريم : ايه دا يا مينا انت هتعمل ايه

مينا : زي ما انتي شايفه هصطاد سمك ونشوي هنا هيبقي اخر يوم لازم يبقي جاااااااامد مش احنا بردك ماشين بكره بليل

ريم : اه صحيح فكرتني يا خساره كانت رحله جميله بس دا شكله هيبقي اجمد يوم بقى

مريم : عندك حق يا ريم انا بحب الصيد اوي

مينا : اشطه هيبقي يوم جامد

بلد مين حتظهر اهه احترسوا من كلام الصعايده

" سيبوا مينا ومريم يصطادوا وتعالوا نشوف الحوار ده حصل فى البلد بتاعه مينا "


ابو مينا : الواد يا وليه ولا بيسال فينا لحسن يكون جراله حاجه

ام مينا : انا عارفه الواد زي ما يكون في حاجه شغلته عنا جامد ونسي نفسه يا خويا

ابو مينا : احنا لازم نتصل بيه

ام مينا : بس هنتصل بي ازاي بس

ابو مينا : هو مش سايب معاكي رقم الشجه اللي ساكن جصادها

ام مينا : اه والله دا سيبها معايا استني اخش اجيبها

ابو مينا : هاتي ااما نتصل بيه نشوفه فين ونطمن عليه


" وابو مينا اتصل ودار اجمد حوار فى المسلسل كلو "

نبقى نكمل الحوار فى الحلقه القادمه  

لييييييييييييييييييييييييييييه
فين الحوار
انا متخيله ابو مينا الصعيدى
وجارتة الميصة
اكيد حوار جامد
يلا يا ذبدة كملى الحلقات
مستنياكى يا قمر